TAUBMANNUS Fridericus

TAUBMANNUS Fridericus

fil. Marci, Consulis Wonsesensis, in Franconia Sutoris, Wittenbergae Philosophiae Professor, post Lauream Poeticam a Paulo Melisso impetratam, factus, A. C. 1595. obiit A. C. 1613. Aetat. 48. Literarum Graecarum et Latinarum vindex acerrimus, Barbariei exstirpator felicissimus, Poeta incomparabilis, ut ex scriptis eius liquet. In ultima editione Plauti sui S. Bibliorum codicem decies novies a se perlectum Affirmat: et in Epigrammmate Phalaecio, quod sub finem Schediasmatum ad Christianum fil. suum, puerum sexennem, cycneae cantilenae instar, exaravit, se ipsum foris et intus contemplaudum egregie depingit. Et quidem filius hic, Patris Commentarios in Virgilium postea publici iuris fecit, et Doctor U. I. Basileae ceatus A. C. 1628. Wittebergae Ius do cuit, exstinctus A. C. 1651. Aetat. 55. Vide Andr. Sennertum Biblioth. academiae Witteberg. et P. Freherumg, Theatrô Viror. erudit, clarorum.